අහිතකර ආහාර පාන, විහරණ නිසා වාතය කිපේ. ඒ නිසා ඔහු යටතේ සිටින රක්තය කිපේ. මේ දූෂණය වූ රක්තය ආශ්‍රය කරන රුධිර නාල වල බිත්ති ඝන බවට පැමිණේ, දැඩි වේ, සිදුර කුඩා වේ, එවිට රුධිර නාලයේ ඇතුලත පීඩනය වැඩි වී රුධිර ධාවනයට බාධා ඇති වේ. එමගින් අධික රුධිර පීඩනයට හේතු වේ.
නිතර නිතර කනගාටුවෙන් සිටින, තදබල චිත්ත පීඩා ඇති, නිති තැතිගන්නා සුලු, මොළය වෙහෙසා වැඩ කරන, අධික තරබාරු සිරුරත් ඇති, මත්පැන් හා දුම්වැටි බහුලව භාවිතා කරන, ව්‍යායාමයෙන් තොර, මැදිවියේ සිටින ස්ත්‍රී පුරුෂයන් හට මේ රෝගය හට ගැනේ.
මේ රෝගයට ප්‍රශස්ත ඖෂධ කිහිපයක්,
- බැවිල මුල්, බෙලි මුල් හා වියළි ඉගුරු කලං 4 බැගින් ගෙන කෂාය කර බීම.
- රත්නිටොල්, කෙළිද හාල්, දියමීත්ත, කටු කරෝසන, අතිවිඩයම්, අරළු කලං 2 බැගින් ගෙන කෂාය කර බීම.
- පුස්කර, එරඩු, තිරැස්සවාලු, වියළි ඉගුරු, රසකිද, ඉගුරු පියළි, කීකිරිදිය, සිරිතේක්කු, සාරණ මුල්, දස මලු කෂාය කර බීම.
- වැල් පෙණෙල, කරපිංචා නැටි, බැවිල මුල් කලං 4 බැගින් ගෙන කෂාය කර වායුරාක්ෂ ගුලි 2ක් දමා බීම.
- බැවිල මුල්, කටුකරඩු මුල්, එරඩු මුල්, නික මුල්, දේවදාර, වියළි ඉගුරු, බෙලි මුල්, හීන් අරත්ත, ලුණු වරණ, මුරුවා කලං 1 මදටිය 4 බැගින් පත 8-1 ට සිදුවා පෙරා බීම.
සාමාන්‍ය භාවිතයට :- දශමූලාරිෂ්ටය , බලාරිෂ්ටය
මූලාශ්‍රය - ආයුර්වේදයේ ජීවන දර්ශනය (වෛද්‍ය අමරසිරි පොන්නම්පෙරුම)
